სუპერთასის შეხვედრამდე ქუთაისმა და ბათუმმა წინასამატჩო პრესკონფერენცია გამართეს

ოთარ ქორქიას სახელობის საქართველოს სუპერთასის გათამაშებაში ერთმანეთს შარშანდელი ჩემპიონი, „ქუთაისი – 2010“ და თასის მფლობელი „ბათუმი“ დაუპირისპირდებიან. შეხვედრამდე მწვრთნელებმა, კონსტანტინე ტუღუშმა და ანატოლი ბერიშვილმა, მოთამაშეებმა გიორგი ბარბაქაძემ და გიორგი ოჩხიკიძემ წინასამატჩო პრესკონფერენცია გამართეს, სუპერთასის დატვირთვასა და გუნდში არსებულ განწყობაზე ისაუბრეს. მათი განცხადებით, სეზონის გამარჯვებით დაწყვება მნიშვნელოვანი იქნება და დღეს დაგეგმილ თამაშში გამარჯვებისთვის ბოლომდე ბრძოლას აპირებენ. 

ოთარ ქორქიას სახელობის სუპერთასით სუპერლიგის 31-ე სეზონი სტარტს ოფიციალურად აიღებს. პრესკონფერენციაზე, მწვრთნელებმა და მოთამაშეებმა გუნდების მიერ განვლილ მოსამზადებელ პერიოდზე და ახალი სეზონისთვის დასახულ მიზნებსა და მოლოდინებზე ისაუბრეს.