თბილისის 16-წლამდელთა ჩემპიონატის კენჭისყრა სპორტის ახალ სასახლეში გაიმართა

თბილისის 16-წლამდელთა ჩემპიონატი სტარტს 12 ნოემბერს აიღებს. ტურნირის ორგანიზატორები არიან თბილისის კალათბურთის განვითარების კავშირი საქართველოს კალათბურთის ეროვნულ ფედერაციასთან ერთად.
დედაქალაქის პირველობაზე მონაწილეობას 13 გუნდი მიიღებს, რომლებიც დღეს, სპორტის ახალ სასახლეში გამართულ კენჭისყრაზე 3 ჯგუფში გადანაწილდა. ჯგუფის შემადგენლობებს ბოლოს ნახავთ, აქ კი გეტყვით, რომ თითოეული ჯგუფიდან პლეი ოფში 2-2 საუკეთესო გადის, რომლებსაც 2 საუკეთესო მესამეადგილოსანი დაემატება და მეოთხედფინალებიც დაწყვილდება.
თბილისის პირველობის საუკეთესო 8, ანუ პლეი ოფში გასული გუნდები საქართველოს 16-წლამდელთა ჩემპიონატის საგზურებს მიიღებენ.