თორნიკე შენგელია და დენის შროდერი ევროსაკვალიფიკაციო ტურის საუკეთესოები არიან

გუშინ გამართული ევროსაკვალიფიკაციო ტურის საუკეთესო მოთამაშის ტიტული ორმა კალათბურთელმა გაიზიარა – გერმანელმა დენის შროდერმა და თორნიკე შენგელიამ.
ქართველმა და გერმანელმა ფორვარდებმა საკვალიფიკაციო ჯგუფებში გამართულ მატჩებში სარგებლიანობის ყველაზე მაღალი კოეფიციენტი – 29 დააგროვეს. შენგელიასთვის უნგრეთთან მატჩი სანაკრებო კარიერაში საუკეთესო იყო.
22 წლის ქართველმა ფორვარდმა 29 წუთში 26 ქულა, 8 მოხსნა, 2 პასი, 2 ჩაჭრა და 1 დაფარება მიითალა. თორნიკემ 14-დან 9 ორქულიანი, 2-დან 2 სამიანი და 3-დან 2 საჯარიმო ჩააგდო. სამწუხაროდ, თორნიკემ მატჩის ბოლოსწინა წუთზე ფეხის  ტრავმა მიიღო და ნაკრებს პორტუგალიასთან ვერ დაეხმარება.
რაც შეეხება გერმანელ დენის შროდერს, გერმანიის ნაკრების გამთამაშებელმა ავსტრიასთან გუშინ გამართულ შეხვედრაში 26 წუთში 24 ქულა, 6 პასი, 3 მოხსნა და 3 ჩაჭრა მიითვალა. „ატლანტა ჰოუქსის“ გამთამაშებელმა 4-დან 4 ორქულიანი, 10-დან 10 საჯარიმო და 5-დან 2 სამქულიანი ჩააგდო.

თორნიკე შენგელია

დენის შროდერი