თორნიკე შენგელიას 5 ქულა და გამარჯვება “სევილიასთან”

2 წაგების შემდეგ ესპანეთის ჩემპიონატში გამარჯვება მოიპოვა თორნიკე შენგელიას „ლაბორალ კუჩამ“. ვიტორიელებმა „სევილიას“ უმასპინძლეს და 16 ქულის სხვაობით – 89:73 სძლიეს.
ქართველი კალათბურთელი სასტარტო ხუთეულში იყო და 19:38 წუთში 5 ქულა, 1 მოხსნა, 3 პასი, 1 ჩაჭრა და 1 დაფარება მოაგროვა.
შენგელიამ 5-დან 2 ორქულიანი და 2-დან 1 საჯარიმო ჩააგდო, 3 სამქულიანი ააცილა, ერთხელ დაუფარეს, 2 პერსონალური ფოლი მიიღო, მის წინააღმდეგ კი 4-ჯერ დაჯარიმდნენ.

ვიტორიულ კლუბში საუკეთესო ბერძენი ცენტრი იოანის ბურუსისი იყო, რომელმაც 18 ქულა და 10 მოხსნა მიითვალა.
8 მოგებითა და 3 მარცხით „ლაბორალ კუჩა“ ცხრილში მე-4 ადგილზეა. მომდევნო მატჩს შენგელიას გუნდი სტუმრად, 23 დეკემბერს, აუტსაუდერ „გიპუზკოა ბასკეტთან“ გამართავს.