ცინცაძემ უკრაინაში პირველად წააგო

5 გამარჯვების შემდეგ გიორგი ცინცაძის გუნდმა უკრაინის სუპერლიგაში პირველი მარცხი განიცადა. კიევის „ბუდიველნიკი“ ზაპოროჟიეში „ფერო“ შეხვდა და საბოლოოდ დიდი სხვაობით – 78:97 დამარცხდა.
ცინცაძემ სასტარტო ხუთეულში არ ყოფილა და მოედანზე მთლიანობაში 17 წუთი გაატარა. გიორგიმ 2-2-ჯერ შეასრულა სამივე ღირებულების ტყორცნა: ორივე საჯარიმო და 1 სამინი ჩააგდო, ხოლო საშუალო დისტანციიდან ორჯერვე ააცილა. საბოლოოდ მან 5 ქულა, 3 მოხსნა 3 პასი და 2 ჩაჭრა დააგროვა. კიეველთაგან საუკეთესო არტურ დროზდოვმა 18 ქულა ისე ჩააგდო, არც ერთი სროლა არ აუცელია (4-დან 4 ორიანი და 3-დან 3 სამიანი).
„ბუდიველნიკი“ 21 ოქტომბერს კრივოი როგში „კრივბასს“ დაუპირისპირდება.