ცინცაძის 14 ქულა, 7 პასი და პირველი გამარჯვება “ჩემპვილში”

უკრაინული „დონეცკიდან“ ლიბანის „ჩემპვილში“ გადასვლის შემდეგ გიორგი ცინცაძემ მეხუთე მატჩი გამართა და გამარჯვებას პირველად მიაღწია. ქართველი ლეგიონერის გუნდი ლიბანის ჩმპიონატში ერთ-ერთი აუტსაიდერია და ეს ის გამონაკლისი ტური იყო, როცა ჩემპვილელები გამარჯვებულები დარჩნენ.
ცინცაძის გუნდი სტუმრად ცხრილში 1 საფეხურით დაბლა მყოფ „ბეჯეჰს“ შეხვდა და 71:51 გაიმარჯვა. ქართველი გამთამაშებელი სასტარტო ხუთულში იყო და მოედანზე გატარებულ 36 წუთში 14 ქულა, 7 პასი, 4 მოხსნა და 2 ჩაჭრა დააგროვა. გიორგიმ 8-დან 3 ორქულიანი, 9-დან 2 სამიანი და 2-დან 2 საჯარიმო ჩააგდო.
4 მოგებითა და 9 წაგებით „ჩემპვილი“ 10-გუნდიან ლიბანის ჩემპიონატში მე-8 ადგილზეა. მომდევნო ტურის მატჩში, 25 მარტს. ცინცაძის გუნდი „ჰუპსს“ უმასპინძლებს.