ცინცაძის 3 ქულა და პირველი გამარჯვება “რუანში”

საქართველოს ნაკრების გამთამაშებელმა, რომელიც ფრანგული „რუანის“ ღირსებას იცავს, ამ გუნდის მაისურით პირველი გამარჯვება მოიპოვა. რუანელები სტუმრად საფრანგეთის უმაღლესი ლიგის ბოლოადგილოსანს შეხვდნენ და დაძაბულ ბრძოლაში – 79:75 გაიმარჯვეს.
ცინცაძემ 14 წუთი ითამაშა და 3 ქულა, 2 მოხსნა, 1 ჩაჭრა და 1 პასი და 1 დაფრება მიითვალა. ქართველი უკნახაზელი 2-ჯერ დაჯარიმდა, მის წინააღმდეგ კი 4-ჯერ დაარღვიეს წესები. ცინცაძემ 4-დან 3 საჯარიმო ჩააგდო, თითო ორქულიანი და სამიანი ააცილა.
19 ტურის შემდეგ 5 გამარჯვებით „რუანი“ ბოლოსწინა, მე-17 ადგილზე იმყოფება. მომდევნო მატჩს რუანელები შინ, პარიზულ „ლევალთან“, 12 თებერვალს გამართავენ.