ცინცაძის 6 ქულა და 5 პასი “გოვერლასთან” გამარჯვებაში

გიორგი ცინცაძის “დონეცკმა” უკრაინის ჩემპიონატში მორიგი გამარჯვება მოიპოვა და გათამაშების ცხრილში პირველ ადგილზე გადაინაცვლა. მეორეზე მყოფ იუჟნის “ხიმიკს” დონეცკელთა მსგავსად 2 წაგება აქვთ, თუმცა 1-ით ნაკლები მატჩი აქვთ გამართული და ლიდერს ამის ხარჯზე ჩამორჩებიან.
მორიგი გამარჯვება ცინცაძის გუნდმა შინ, “გოვერლასთან” მოიპოვა. მასპინძლებს არ გასჭირვებიათ ივანო-ფრანკოვსკელთა დამარცხება – 90:69. ქართელი გამთამაშებელი სასტარტო ხუთეულში იყო, თუმცა მოედანზე 18.34 წუთი გაატარა. ცინცაძემ 6-დან 2 სამქულიანი ჩააგდო, 1 ორიანი კი ააცილა. 6 ქულასთან ერთად გიორგის 5 პასი და თითო მოხსნა-ჩაჭრა ჰქონდა.
“დონეცკში” 16-16 ქულით ამერიკელები – ბენმაკოლი და მარკო კილინგსვორდი გამოირჩნენ. მომდევნო მატჩს დონეცკელები 5 თებერვალს, “დნიპრო-აზოტთან” შინ გამართავენ.