ცინცაძის 6 ქულა და გამარჯვება შალონში

გიორგი ცინცაძის გუნდის მორიგი გამარჯვება საფრანგეთს უმაღლეს ლიგაში. „გრავლინი“ სტუმრად „შალონს“ შეხვდა და საკმაოდ იოლად – 78:55 სძლია.
ქართველი გამთამაშებელი სათადარიგო იყო და მოედანზე 10 წუთით გამოჩნდა. ცინცაძემ სამივე ორქულიანი ჩააგდო და მოგროვებულ 6 ქულას 1 მოხსნა და 1 ჩაჭრაც მოაყოლა, ბურთი კი ერთხელ დაკარგა.
გრავლინელთაგან 16 ქულით საუკეთესო პაპე სი გახლდათ, ძირითადმა გამთამაშებელმა ენდრიუ ალბისიმ კი გამარჯვებულებს 7 ქულა და 10 პასი მიაშველა.
5 მოგებითა და 2 მარცხით „გრავლინი“ ფრანგულ ლიგაში II-VI ადგილებს იყოფს. მორიგი მატჩი ცინცაძის გუნდს 13 ნოემბერს, შინ „მონაკოსთან“ ელის.