გიორგი ცინცაძის გუნდი ევროლიგის შემდეგ რანგით მეორე ევროტურნირის ნახევარფინალში გავიდა. კიევის „ბუდიველნიკმა“ მოახერხა რუსეთში განცდილი 11–ქულიანი მარცხის შინ აღმოფხვრა და ევროთასის ნახევარფინალის საგზური მოიპოვა.
პირველი მატჩი კიეველებმა სანკტ–პეტერგურგში 72:83 წააგეს და საპასუხო მატჩის წინ სერიოზული ამოცანის წინაშე იდგნენ. „სპარტაკი“ საკმაოდ ძლიერი გუნდია და ბოლო მეოთხედის წინ მასპინძლებს მხოლოდ 5 ქულით ჩამორჩებოდა, თუმცა კიეველებმა გადამწყვეტ მომენტში დიდებულად ითამაშეს, მეტოქეს 14:1 გაქცევა მოუწყვეს და საბოლოოდ 17– ქულიანი სხვაობით – 73:56 იმარჯვეს.
გიორგი ცინცაძე სასტარტო ხუთეულში იმყოფებოდა და მოედანზე 17,26 წუთი გაატარა. სერიის წინა მატჩის მსგავსად ქართველმა უკანახაზელმა მოედანი ამჯერადაც უქულოდ დატოვა. ცინცაძემ 3 ორქულიანი და 2 სამიანი ააცილა. მის ანგარიშზე 3 მოხსნა, 2 პასი და 1 ჩჭრა იყო.
ნახევარფინალში გასუ „ბუდიველნიკს“ მძლავრი მეტო ჰყავს ესპანურ „ბილბაოს“ სახით. ნახევარფინალური სერიის პირველი მატჩი 20 მარტს კიევში გაიმართება, ხოლო 1 კვირის შემდეგ გუნდები საპასუხო შეხვედრას ბილბაოში გამართავენ. ამ 2 მატჩის ჯამში საუკეთესო შედეგის მქონე გუნდი ფინალში გავა. მეორე ნახევარფინალში ერთმანეთს რუსული „ლოკომოტივი“ და ესპანური „ვალენსია“ ხვდებიან.
