ცინცაძის “ჩემპვილმა” ლიბანის ჩემპიონატის ლიდერთაგანი დაამარცხა

გიორგი ცინცაძის “ჩემპვილმა” ლიბანის ჩემპიონატში ხმაურიანი გამარჯვება მოიპოვა. ქართველი გამთამაშებლის გუნდმა, რომელსაც გასულ მატჩამდე 15-დან 5 მოგება ჰქონდა, მე-4 ადგილზე მყოფ “მუთაჰედს” შეხვდა და დაძაბულ ბრძოლაში – 68:64 დაამარცხა.
ცინცაძემ სასტარტო ხუთულში, 39 წუთი ითამაშა და 12 ქულა, 5 მოხსნა, 5 პასი და 3 ჩჭრა დააგროვა, თუმცა ზომაზე მეტი – 7 ბურთი დაკარგა. გიორგიმ 3-დან 2 ორქულიანი, 8-დან 1 სამიანი  და 6-დან 5 საჯარიმო ჩააგდო. გამარჯვებულთაგან საუკეთესო შედეგი ვლადან ვუკოსავლევიჩმა დააფიქსირა, რომელმაც 37 წუთში 25 ქულა და 15 მოსნა მიითვალა.
“ჩემპვილს” 6 მოგების წილ 10 მარცხი აქვს და 10-გუნდიან ლიბანის ჩემპიონატში “ტადამონთან”  7-8 ადგილებს იყოფს. მომდევნო ტურში ცინცაძის გუნდი ლიდერ “საგესს” ეთმაშება.