ცინცაძის დონეცკი უკრაინის ჩემპიონატს წაუგებლად ლიდერობს

უკრაინულმა “დონეცკმა”, რომლის ღირსებას გიორგი ცინცაძე იცავს, ეროვნულ ჩემპიონატში მორიგი, რიგით მე-6 მატჩი მოიგო. დონეცკელები “გოვერლას ესტუმრნენ და ანგარიშით 69:63 დაამარცხეს.
საქართველოს ეროვნული ნაკრების გამთამაშებელი სასტარტო ხუთეულში არ ყოფილა, მოედანზე გატარებულ 17:49 წუთში კი 4 ქულა, 1 მოხსნა და 2 პასი მიითვალა. ცინცაძემ 4-დან 2 ორქულიანი ჩააგდო, სამქულიანი ააცილა, 4 შეცდომა დაუშვა, ამდენივე პერსონალური ფოლი მიიღო, მის წინააღმდეგ კი ერთხელ დაჯარიმდნენ. დონეცკელთა შორის საუკეთესო ამერიკელი მარკო კილინგსვორტი იყო, რომელმაც 16 ქულა და 14 მოხსნა მიითვალა და ორმაგი დუბლი შეასრულა.
უკრაინის ჩემპიონატის მორიგ ტურში “დონეცკი” 22 ნოემბერს ლვოვში “გალიჩინას” დაუპირისპირდება. ცინცაძის გუნდი უკრაინის პირველობას წაუგებლად ლიდერობს.