ცინცაძის დონეცკმა ვითიბი ლიგაზე ლიტვურ “რიტასთან” წააგო

გიორგი ცინცაძის “დონეცკმა” ვითიბი ლიგაზე საშინაო მარცხი იწვნია. დონეცკელებმა ვერაფერი გააწყვეს ვილნიუსის “ლიუტუვოს რიტასთან” და დიდი სხვაობით – 68:89 წააგეს.
ცინცაძე სასტარტო ხუთეულში არ ყოფილა, მოედანზე 21 წუთი გაატარა, რა დროშიც 4 ქულა, 3 პასი და 2 ჩაჭრა მოაგროვა. გიორგიმ 3-დან 1 ორქულიანი და 2-დან 2 საჯარიმო ჩააგდო, 1 სამიანი კი ააცილა.
“დონეცკმა” ვითიბი ლიგის A ჯგუფში 4 მოგების წილ მე-2 მარცხი მოაგროვა და მე-4 ადგილამდე დაქვეითდა. ცინცაძის კლუბს მომდევნო შეხვედრა 1 დეკემბერს  შინ რუსულ “ნიჟნი ნოვგოროდთან” ელის.