ცინცაძის ორმაგი დუბლი და გამარჯვება “ჰუპსთან”

გიორგი ცინცაძის გუნდის მორიგი გამარჯვება ლიბანის ჩემპიონატში. წინა ტურში “ბეჯეჰის” ძლევის შემდეგ “ჩემპვილმა” ბოლოადგილოსან “ჰუპსს” უმასპინძლა და 88:79 დაამარცხა, რაშიც ცინცაძის წილი სოლიდურია.
ქართველმა გამთამაშებელმა ორმაგი დუბლი მოაგროვა. ცინცაძემ მოედანზე 39 წუთი გაატარა და 15 ქულა, 11 პასი, 5 მოხსნა და1 ჩაჭრა მიითვალა. გიორგიმ 10-დან 4 ორქულიანი, 5-დან 1 სამიანი და 6-დან 4 საჯარიმო ჩააგდო. საუკეთესო შედეგი ჩემპვილელმა ვლადან ვუკოსავლიევიჩმა დააფიქსირა – 26 ქულა, 15 მოხსნა.
“ჩემპვილს” 5 მოგება და 9 მარცხი აქვს დაა ნალოგიური შედეგის მქონე “ტადამონთან” ცხრილში 7-8 ადგილებს იყოფს. 27 მარტს ცინცაძის გუნდი ცხრილის შუაში მყოფ “ბიბლუსს” ესტუმრება.