ცინცაძის ორქულიანი დებიუტი “რუანში”

გიორგი ცინცაძის დებიუტი ფრანგულ „რუანში“. ქართველმა გამთამაშებელმა, რომელიც აქამდე საფრანგეთის უმაღლესლიგელ „გრავლინში“ თამაშობდა და გუნდი გამოიცვალა, პირველი მატჩი ჩაატარა „რუანში“.
ცინცაძის დებიუტი ფეხბედნიერი ვერ გამოდგა. რუანელებმა ჩემპიონატის მორიგი მატჩი შინ შოლესთან“ გამართეს და ანგარიშით 80:90 წააგეს. ქართველი უკანახაზელი სათადარიგო იყო და მოედანზე 8 წუთით გამოჩნდა. ცინცაძემ 3-დან 1 ორქულიანი ჩააგდო და შეხვედრა 2 ქულით დაასრულა.
4 მოგებითა და 12 მარცხით „რუანი“ საფრანგეთის უმაღლეს ლიგაში ბოლოსწინა, მე-17 ადგილზეა. მომდევნო მატჩს ცინცაძის გუნდი 15 იანვარს ანტიბში გამართავს.