ცინცაძის სამიანები და მორიგი გამარჯვება საფრანგეთის ჩემპიონატში

საფრანგეთის უმაღლეს ლიგაში წარმატებით ასპარეზობს გიორგი ცინცაძის „გრავლინი“, რომელმაც საშინაო გამარჯვების შემდეგ გასვლაზეც მოახერხა მოგება. დიუნკერკის გუნდი „ნანსის“ ესტუმრა და საკმაოდ იოლად – 81:75 იმარჯვა.
ცინცაძე სათადარიგო იყო და მოედანზე 14 წუთით გამოჩნდა. ქართველმა გამთამაშებელმა 2 ორქულიანი და ამდენივე სამიანი ააცილა, ხოლო 4 საჯარიმო ცდიდან 3 გამოიყენა. ცინცაძის ანგარიშზე საბოლოოდ 3 ქულა, 3 მოხსნა, 3 პასი და 2 ჩაჭრა დაგროვდა.
გრავლინელთაგან 21 ქულით საუკეთესო იყო მარკუს დავი, 16 ქულა მიითვალა სტივ გრეიმ, გუნდის ლიდერის, ენდრიუ ალბისის ანგარიშზე 15 ქულა და 7 პასი დაგროვდა. მასპინძელთაგან 23 ქულით ანდი პანკო გამოირჩა.
2-დან 2 გამარჯვებით „გრავლინი“ საფრანგეთის უმაღლესი ლიგის ლიდერთა შორისაა. მომდევნო მატჩს ცინცაძის გუნდი 9 ოქტომბერს, შინ „შალონ-რეიმსთან“ გამართავს.