ცქიტიშვილი კვლავ საუკეთესოა, “ჩემპვილი” კი ისევ დამარცხდა

ნიკა ცქიტიშვილი ლიბანის ჩემპიონატში წარმატებულ თამაშს განაგრძობს, რასაც ვერ ვიტყვით მის გუნდზე. „ჩემპვილმა“ მესამე ტურის მატჩი „ბიბლოს ამჩიტთან“ გამართა და ჩემპიონატში მესამე მარცხი იწვნია – 72:77.
ქართველი ფორვარდი ჩემპვილელთაგან საუკეთესო იყო. მის ანგარიშზე 17 ქულა, 7 მოხსნა, 2 პასი და 1 ჩაჭრა დაგროვდა. ცქიტიშვილზე მეტი – 19 ქულა ჩააგდო კარლ სარქისმა, თუმცა მარგი ქმედების კოეფიციენტით მან ქართველს ვერ აჯობა.
3 მატჩიდან 3 წაგებით „ჩემპვილი“ აუტსაიდერია და მომდევნო ტურში, 23 დეკემბერს,  თავისსავით მოუგებელ „ჰოპსს“ შეხვდება.