ცქიტიშვილის 23 ქულა და 19 მოხსნა ლიბანის ჩემპიონატში

ნიკოლოზ ცქიტიშვილის მორიგი ორმაგი დუბლი ლიბანის ჩემპიონატში. ქართველმა ფორვარდმა „ლუაიზესთან“ მ ატჩში 23 ქულა და 19 მოხსნა მოაგროვა, მაგრამ მისმა შედეგიანობამ ვერც ამჯერად უშველა „ჩემპვილს“, რომელიც 20 ქულის ხვაობით – 65:85 დამარცხდა.
ცქიტიშვილმა შეუცვლელად, 40 წუთი ითამაშა და 11-დან 8 ორქულიანი და 7-დან 7 საჯარიმო ჩააგდო, 3 სამიანი კი ააცილა. 23 ქულასა და 19 მოსნასთან ერთად ნიკამ 2 პასი, 1 ჩაჭრა და 1 დაფარება მიითვალა. ცქიტიშვილის კვალზე 22 ქულა მოაგროვა როული მარშალმა, მაგრამ გაცილებით გუნდურად მოთამაშე ლუაიზელებთან „ჩემპვილი“ ვერას გახდა.
1 მოგებითა და 7 მარცხით „ჩემპვილი“ ცხრილის ბოლო, მე-9 საფეხურზე დაეშვა. ლიბანის ჩემპიონატში შესვენება გამოცხადდა და შემდეგი ტურის მატჩი 5 მარტს გაიმართება. ცქიტიშვილის გუნდი „ჰომენეტმენს“ ესტუმრება.