ცქიტიშვილის 34 ქულამ “ბიბლოსს” “ალ რიადთან” ვერ უშველა

ნიკა ცქიტიშვილის საუკეთესო მატჩი ლიბანის მიმდინარე ჩემპიონატში. საქართველოს ეროვნული ნაკრების წევრის ჩინებული თამაშის მიუხედავად, მისი კლუბი “ბიბლოსი” კვლავ დამარცხდა. ბიბლოსელებმა ერთ-ერთ ლიდერ “ალ რიადს” უმასპინძლეს და 80:88 დამარცხდნენ.

ცქიტიშილი ორივე გუნდის შემადგენლობაში საუკეთესო იყო. ნიკამ 34 წუთში 8-დან 6 ორქულიანი, 8-დან 6 სამიანი და 6-დან 4 საჯარიმო ჩააგდო. ქართველმა ფორვარდმა ჯამში 34 ქულა, 5 მოხსნა, 2 პასი, 1 ჩაჭრა და 4 დაფარება მოაგროვა. მისმა სარგებლიანობის ინდექსმა 38 შეადგია, რაც ორივე გუნდის შემადგენლობაში საუკეთესო შედეგი გახლდათ.

2 მოგებითა და 15 მარცხით “ბიბლოსი” ბოლოსწინა ადგილზეა. შემდეგ მატჩს ცქიტიშვილის გუნში 11 თებერვალს, სტუმრად, “ანტონინსთან” გამართავს.