“უნიკახაში” გიორგი შერმადინის დებიუტი ესპანეთის სუპერთასზე შედგა

გიორგი შერმადინის დებიუტი ესპანურ „უნიკახაში“. ქალაქ მალაგის გუნდში ქართველმა ცენტრმა პირველი მატჩი ესპანეთის სუპერთასის ნახევარფინალში, „ვალენსიას“ წინააღმდეგ სასტარტო ხუთეულში ითამაშა და 17:29 წუთში 3 ქულასთან ერთად 5 მოხსნა მიითვალა.
სამწუხაროდ, შერმადინის გუნდი დაძაბულ ბრძოლაში – 78:83 დამარცხდა და ესპანეთის სუპერთასის ფინალში ვერ გავიდა. შერმადინმა 2-დან 1 ორქულიანი და 2-დან 1 საჯარიმო ჩააგდო, ბურთი 4-ჯერ დაკარგა, 2 პერსონალური ფოლი მიიღო, მის წინააღმდეგ კი ერთხელ დაჯარიმდნენ.
ფინალში „ვალენსიას“ სუპერთასის ოთხთა ფინალის მასპინძელი „გრან კანარია“ შეხვდება, რომელმაც მეორე ნახევარფინალში მადრიდის „რეალი“ 73:64 დაამწუხრა.