ვეტერანებმა რევანში იტალიის მეორე ნაკრებს აუღეს

ქართველმა ვეტერანებმა მსოფლიოს ჩემპიონატის პლეი ოფში იტალიასთან წაგების გამო ამ ქვეყნის მეორე გუნდზე იძიეს შური. რევანში დღეს, მონტეკატინიში შედგა, სადაც 50-55 წლიან ვეტერანთ მსოფლიოს ჩემპიონატი მიმდინარეობს.
მას შემდეგ, საქართველოს ნაკრები პლეი ოფში იტალიასთან დამარცხდა, ჯერ ბრაზილიას მოუგო 101:66, ხოლო დღეს იტალიის მეორე ნაკრებს სძლია 77:52. საქართელოს ნაკრები ხვალ ბოლო მატჩს გამართავს (მეტოქე მოგვიანებით გაირკვევა) და გამარჯვების შემთხვევაში ტურნირზე მე-7 ადგილს დაიკავებს.