100-პროცენტიანი შერმადინი და ტენერიფე ჩემპიონთა ლიგის ფინალშია

გიორგი შერმადინის “ტენერიფე” ფიბა-ს ჩემპიონთა ლიგის ფინალშია. დღეს, ესპანეთის ქალაქ ბილბაოში აღნიშნული ტურნირის 4 საუკეთესო გუნდი შეიკრიბა – “ტენერიფეს” მეტოქედ ებრაული “ჰაპოელ ჰოლონი” ჰყავდა, მეორე ნახევარფინალში კი ერთმანეთს ესპანური “მანრესა” და გერმანული “ლუდვიგსბურგი” შეხვდნენ.

ორივე მატჩი დაძაბული გამოდგა, ჩვენ კი ყურადღება შერმადინზე გავამახვილოთ. გიორგიმ მოედანზე 22:19 წუთი გაატარა, რა დროშიც 14 ქულა, 7 მოხსნა და 1 ჩაჭრა დააგროვა. გიორგიმ 6-დან 6 ორქულიანი და 5-დან 2 საჯარიმო ჩააგდო. ქართველმა ცენტრმა 68:69-ზე მნიშვნელოვანი 2-ქულიანი ჩააგდო და მთელი მატჩის მანძილზე მოლიდერე ტენერიფე ისევ წინ გაიყვანა. საბოლოოდ “ტენერიფემ” 78:71 მოიგო და ფინალში გავიდა.