16-წლამდელთა A ლიგის 12 გუნდი ცნობილია | ბრძოლა 2 საგზურისთვის პლეი ოფში გრძელდება

დასრულდა 16-წლამდელთა ჩემპიონატის საკვალიფიკაციო ეტაპის ჯგუფური ეტაპი, რომელიც ახალი სისტემით, პირველად ჩატარდა. ახალი სისტემა გულისხმობს 14, 16 და 18 წლამდელთა ჩემპიონატების 3 ლიგად ჩატარებას (თუკი გუნდების რაოდენობა საკმარისი იქნება), რომელთაგან A ყველაზე ძლიერი იქნება (და ქვეყნის ჩემპიონს გამოავლენს), B-ს რიგითობით მომდევნო სტატუსი ექნება და C იქნება ყველაზე დაბალი რანგის, რომელში მონაწილეობაც გუნდებს ნებაყოფლობით, საკვალიფიკაციოს გავლის გარეშე შეეძლებათ.

16-წლამდელთა ჩემპიონატში დარეგისტრირებული გუნდების რაოდებონობა 47 შეადგენს, რაც იძლევა იმის საშუალებას, რომ გაკეთდეს სამივე – A, B და C ლიგები. შესაბამისად, მიმდინარე საკვალიფიკაციო ტურნირის მიზანი გუნდების სრულად კლასიფიკაციაა, რათა მოწინავეებმა A ლიგა შეავსონ, დაწესებული რაოდენობის მომდევნო გუნდებმა B ლიგაში იასპარეზონ, ხოლო B-ს მიღმა დარჩენილებმა  C ლიგაში დაიდონ ბინა.

შეგახსენებთ, რომ 16-წლამდელთა ჩემპიონატის A ლიგაში (ისევე როგორც სხვა ასაკებში) 14 გუნდია, საიდანაც 4 ადგილი კვოტირებით რეგიონის გუნდებს – ქუთაისს, რუსთავს, თელავს და ფოთს ერგოთ. დარჩენილი 10 საგზური საკვალიფიკაციო ტურნირის შედეგად უნდა გამოვლინდეს. გათამაშების ფორმატის თანახმად, A ლიგის საგზური პირდაპირ მიიღო 12 ჯგუფის საუკეთესო 8 პირველადგილოსანმა. დარჩენილი 2 საგზურისთვის 4 დანარჩენი პირველადგილოსანი და 4-იც საუკეთესო მეორეადგილოსანი იბრძოლებს.

იხილეთ 16-წლამდელთა ჩემპიონატის საკვალიფიკაციო ტურნირის ჯგუფური ეტაპის საბოლოო სატურნირო მდგომარეობა .

8 გუნდი პლეი ოფის სისტემით 2 საუკეთესოს გამოავლენს, რომლებიც A ლიგის საგზურებს მიიღებენ. პლეი ოფში სერიები 2-მატჩიანი იქნება. პლეი ოფის ფინალში გასული გუნდები, რაკიღა საგზურებს მოიპოვებენ, ერთმანეთს აღარ შეერკინებიან. 

ასე და ამგვარად, A ლიგის საგზურები ჯგუფური ეტაპის საუკეთესო 8 პირველადგილოსანმა მიიღო. ესენი არიან: ჰიუნდაი 1, ორბი 1, ზაზა 1, ბრუკლინი 1, დინამო, თბილისი ბასკეტი 1, ოვერტაიმი 1, ვინგსი 1. დავაზუსტებთ, რომ A ლიგის საგზური ერგო C ჯგუფის გამარჯვებულ ბათუმს, რომელმაც საკუთარი სტრატეგიული მიზეზებით უარი თქვა უმაღლესში ასპარეზობაზე და მისი ადგილი რიგით მომდევნო პირველადგილოსან ორბი 1-ს ერგო. ბათუმი პლეი ოფში ითამაშებს და თუკი ფინალში გავა, A ლიგის საგზურს ნახევარფინალში მისგან ძლეულ გუნდს დაუთმობს.

დებულების თანახმად, 10 საუკეთსო გუნდს მიღმა (A ლიგის საგზურების გარეშე) დარჩენილი რიგითობით 24 საუკეთესო გუნდი (11-34 ადგილებზე გასულები) 16-წლამდელთა ჩემპიონატის B ლიგაში იასპარეზებს, ხოლო დანარჩენები (35-47  ადგილები) C ლიგაში ითამაშებენ.

წაროგიდგენთ A ლიგის დარჩენილი 2 საგზურისთვის გასამართი პლეი ოფის კალენდარს: