ამაღამ საქართველოს 16–წლამდელთა ნაკრები ესტონეთში მიემგზავრება, სადაც 5–დან 15 აგვისტომდე ევროპის ჩემპიონატში მიიღებს მონაწილეობას. ქართველები კონტინენტის საუკეთესოთა შორის მოსახვედრად ვერ იბრძოლებენ, რადგან გია კაზანჯიანის დამოძღვრილი ნაკრები B დივიზიონში ასპარეზობს და მაქსიმუმი, რაც წლეულს შეუძლია მიაღწიოს, ელიტაში ანაცვლებაა.
ჩვენი 16–წლამდელთა ნაკრები საკმაოდ კარგადაა მომზადებული ამ ტურნირისთვის. კაზანჯიანის გუნდმა სამწვრთნელო შეკრებები გაიარა და საკონტროლო მატჩები გამართა თურქეთში, უკრაინასა და ესტონეთში. ამ მოსამზაებელი მატჩების უმრავლესობა ქართველებმა მოიგეს.
თუკი დანარჩენ ასაკობრივ ნაკრებებს სიმაღლის პრობლემები აწუხებს, 16–წლამდელებს ეს საკითხი მოგვარებული აქვთ. გუნდში ირიცხება 5 ორ მეტრს აცილებული მოთამაშე, რომლებსაც შეუძლიათ როგორც ცენტრის, ასევე მძიმე ფორვარდის პოზიციაზე თამაში. ესენი არიან ბექა ნადირაძე, ლერი კვანტალიანი, თემურ ფხაკაძე, ბექა ბურჯანაძე და გიორგი ცირეკიძე.
საქართველოს ნაკრები C ჯგუფში ამ გუნდებთან მოხვდა: ბელგია, სლოვენია, რუმინეთი და ლუქსემბურგი. გათამაშების ფორმატის თანახმად, ჯგუფიდან 2 საუკეთესო გუნდი გადის, რომლებიც მეორე ჯგუფურ ეტაპზე გადაინაცვლებენ, სადაც 4–დან 2 საუკეთესო გავა ნახევარფინალში.
ჩვენი ნაკრების ჯგუფური კალენდარი ასე გამოიყურება:
5 აგვისტო
საქართველო – რუმინეთი 21:30
6 აგვისტო
საქართველო – ბელგია 21:15
7 აგვისტო
საქართველო – სლოვენია 19:00
9 აგვისტო
საქართველო – ლუქსემბურგი 14:30
მითითებულია თბილისის დრო
სახელი, გვარი
სიმაღლე
გუნდი
ნიკა რამიშვილი
182
ბათუმი
ირაკლი მიქელაძე
182
ბათუმი
რობერტ გოგბაიძე
188
აკადემია
შოთა გოლეთიანი
191
მართვე
დავით ხეთაგური
194
აკადემია
ლევან ლოლიშვილი
198
ორბი
ლევან გრძელიძე
186
ქუთაისი
ბექა ბურჯანაძე
202
კახასოლი, ესპანეთი
თემურ ფხაკაძე
202
ქუთაისი
გიორგი ცირეკიძე
202
ქუთაისი
ბექა ნადირაძე
202
აკადემია
ლერი კვანტალიანი
202
აკადემია
გია კაზანჯიანი
მთავარი მწვრთნელი
არჩილ ჟღენტი
ასისტენტი
გელა წულაძე
გუნდის მენეჯერი
დავით ნადირაძე
ექიმი
