18-წლამდელთა C ლიგაში ნახევარფინალური სერია მოგებით დაიწყეს მართვემ და აჭარის ნაკრებმა

18-წლამდელთა ჩემპიონატის C ლიგაში ნახევარფინალური სერიები დაიწყო. ოთხეული ასეთია: ორბი 4 აჭარის ნაკრების წინააღმდეგ, ხოლო ახალციხე მართვეს მე-3 გუნდს ხვდება.

აღსანიშნავია, რომ ახალციხის გუნდი აქამდე არასდროს ყოფილა არც ერთი ჩემპიონატის პლეი ოფში და წლეულს ამ ქალაქის გუნდმა ეს მისია ხომ შეასრულა და მეოთხედფინალური სერიაც დაძლია. ახალციხელებმა პირველ წრეში ორი მატჩის ჯამში 132:96 დაამარცხეს “ვინგსი 4” და ნახევარფინალში გავიდნენ.

ნახევარფინალის პირველ მატჩი ახალციხელებს ძალა აღარ ეყოთ და მართვეს საკალათბურთო სკოლის მე-3 გუნდთან 56:90 წააგეს. მეორე ნახევარფინალური სერიის პირველ მატჩში აჭარის ნაკრებმა 67:56 დაამარცხა ორბი 4. საპასუხო შეხვედრები 5 ივნისს გაიმართება და ფინალისტებიც გამოვლინდებიან.