საქართველოს 18–წლამდელთა ნაკრებმა სარაევოში მიმდინარე ევროპის ჩემპიონატის B დივიზიონში მეორე მატჩი გამართა. მიხეილ ბერუაშვილის გუნდის მეტოქე მასპინძელი ბოსნია იყო. ქართველებმა პირველ ტურში ჰოლანდიასთან დიდი სხვაობით დამარცხების შემდეგ რეაბილიტაცია მოახდინეს და ბენილუქსელებზე გაცილებით ძლიერ მეტოქეს ღირსეულად ებრძოლნენ.
საქართველოს ნაკრებმა პირველი მეოთხედი მოიგო – 24:21. მეორე ათწუთეულშიც დაძაბული თამაში იყო. ქულა–ქულაზე მიმდინარე შეხვედრაში პირევი ტაიმი მასპინძელთა ერთქულიანი გამარჯვებით დასრულდა – 41:40.
მესამე პერიოდში მასპინძლებმა უპირატესობა მოიპოვეს და ხელჩასაჭიდ უპირატესობას დაეუფლნენ. საქართველოს ნაკრები ბოლომდე ინარჩუნებდა შანსს, თუმცა შეხვედრა საბოლოოდ 11 ქულით – 74:85 დათმო.
ჩვენს ნაკრებშ 25 ქულა და 6 პასი ჰქონდა ირაკლი მიქელაძეს, ხოლო ბექა ბურჯანაძემ 12 ქულითა და 14 მოხსნით ორმაგი დუბლი შეასრულა.
საქართველო 12 აგვისტოს ბელგიას დაუპირისპირდება.
ევროპის ჩემპიონატი. B დივიზიონი. ბოსნია. სარაევო. 11 აგვისტო
ბოსნია 85:74 საქართველო
21:24, 20:16, 23:15, 21:19
სრული სტატისტიკა:
http://u18men.fibaeurope.com/enDivB/cid_vxfp6gWIJ5oSOkc7ox4BA3.gameID_8810-D-6-3.compID_8aYeHlfuGF-mF5IqO8aFH1.season_2012.roundID_8810.teamID_.html
1. ბოსნია 3 3/0 242/187 6
2. პორტუგალია 3 1/2 178/228 4
3. ჰოლანდია 2 1/1 171/135 3
4. ბელგია 2 1/1 136/124 3
5. საქართველო 2 0/2 124/177 2
