გიორგი შერმადინის მორიგი სუპერმატჩი ესპანეთის ჩემპიონატში, რითაც ის დიდი ალბათობით კვლავ ტურის საუკეთესო მოთამაშე გახდება. ქართველი ცენტრის წინამძღოლობით ლენოვო ტენერიფემ ესპანეთში ჩემპიონატში ზედიზედ მე-5 მატჩი მოიგო. 29-ე ტურში კანარელებმა ბილბაო ბასკეტს უმასპინძლეს და 101:84 გაიმარჯვეს.
შერმადინი სასტარტო ხუთეულში იყო და 25:53 წუთში 25 ქულა, 5 მოხსნა, 4 პასი და 4 ჩაჭრა მიითვალა, ბურთი კი მხოლოდ ერთხელ დაკარგა. ქართველმა ცენტრმა ტრადიციულად სროლათა უზარმაზარი პროცენტულობა დააფიქსირა და 10-დან 9 ორქულიანი და 7-დან 7 საჯარიმო ჩააგდო. მისმა სარგებლიანობის კოეფიციენტმა 43 შეადგინა, რითაც უთუმცაოდ გახდა მატჩის MVP. აღსანიშნავია, რომ შერმადინმა ეს შედეგი მისი გამზრდელი მწვრთნელის, ჯამლეტ ხუხაშვილის დაბადების დღეზე დააფიქსირა, რომელიც ამ დღეს 80 წლის გახდებოდა.
მიმდინარე სეზონში შერმადინი ბევრად ნაკლები პროცენტულობით ხდებოდა ტურის MVP და ამჯერად ამ შედეგის გამეორებას, დიდი ალბათობით, წინ არაფერი დაუდგება. 29-ე ტურში კვირას კიდევ 5 მატჩს ითამაშებენ და თუკი ეს შედეგი ვერავინ გადაფარა, შერმადინი 22-ედ გახდება ტურის საუკეთესო და ამ კატეგორიაში ესპანური ლიგის თავისსავე რეკორდს კიდევ ერთხელ გააუმჯობესებს. დავაფიქსიროთ, რომ 43 ამ სეზონში არავის დაუფიქსირებია. თავად შერმადინისთვისაც ეს შედეგი კარიერაში ერთ-ერთი საუკეთესოა.
ტენერიფეს 19 მოგების წილ 10 წაგება აქვს ბარსელონასთან ერთად მესამე-მეოთხე ადგილებს ინაწილებს.
