3×3 Tbilisi Challenge 2023-ში მონაწილეობის მსურველთა რეგისტრაცია დაიწყო

კალათბურთის ეროვნული ფედერაციის ეგიდითა და თბილისის კალათბურთის ფედერაციის ორგანიზებით მიმდინარე წლის 6 ივნისს, ლისის ტბის მიმდებარედ გაიმართება ტრადიციული ტურნირი 3X3 კალათბურთში Tbilisi Challenge-2023.

 

წლეულს Tbilisi Challenge მეათედ ჩატარდება და ის კვლავინდებურად წარმოადგენს მსოფლიო ტურის საკვალიფიკაციო ტურნირს, რომლის საპრიზო ფონდი შეადგენს 3000 ლარს. გამარჯვებული გუნდი გაემგზავრება გერმანიაში და 7-8 ივლისს მონაწილეობას მიიღებს მსოფლიო ტურის შემდეგ ეტაპზე – Fribourg Chellenger-ში.

 

Tbilisi Challenge-2023-ში მონაწილეობის მსურველთა რეგისტრაცია უკვე დაიწყო. გაითვალისწინეთ, რომ ტურნირის სტატუსი პროფესიონალურია (+18). რეგისტრაცია მიმდინარეობს თბილისის კალათბურთის ფედერაციის ფეისბუქის გვერდზე: www.facebook.com/TbilisiBasket