ბითაძის 2 ქულა, 5 მოხსნა და 2 დაფარება ფინიქსთან

ნბა-ს მიმდინარე რეგულარულ ჩემპიონატში 70-ე მატჩი გამართა გოგა ბითაძის „ორლანდომ“. ფლორიდელები „ფინიქს სანსს“ ესტუმრნენ და დაძაბულ ბრძოლაში 113:116 დამარცხდნენ.

მატჩის ბომბარდირი ორლანდოელი ფულცი გახდა, რომელმაც 25 ქულასთან ერთად 9 მოხსნა და 7 პასი მოაგროვა.

გოგა ბითაძის სტატისტიკა ასეთი იყო: 8 წუთი, 2 ქულა, 2 დაფარება, 5 მოხსნა, 1 პასი. მისი მოედანზე ყოფნისას „მეჯიქი“ +9-თ დაწინაურდა. ეს გახლდათ საუკეთესი მაჩვენებელი სტუმართა შორის.

„ორლანდოს“ 70 მატჩიდან 28 მოგება აქვს და აღმოსავლეთის კონფერენციაში მეცამეტე ადგილზეა. მომდევნო თამაშს 18 მარტს სტუმრად „კლიპერსთან“ გამართავს.