ბუდიველნიკის გამარჯვება და ბომბარდირი გიორგი ცინცაძე

კიევის „ბუდივალნიკი“ უკარინის ჩემპიონატში პირველ ადგილზეა და ლიდერობას კიდევ უფრო იმყარებს. გიორგი ცინცაძის გუნდმა მორიგი გამარჯვება სტუმრად, დნეპროტერტოვსკში, „აზოტთან“ მოიპოვა. „ბუდიველნიკმა“ მეტოქე 85:73 დაამარცხა, ქართველი გამთამაშებელი კი კიეველთა შორის ბომბარდირი გახდა.
 

 
ცინცაძემ 8-დან 5 ორქულიანი, 4-დან 1 სამიანი და 2-დან 2 საჯარიმო ჩააგდო. გიორგიმ მთლიანობაში 15 ქულა, 5 პასი, 3 მოხსნა და თითო ჩაჭრა-დაფარება მიითვალა. ცინცაძესთან ერთად კიეველებში 10-ქულიანი ზღვარი არტურ დროზდოვმა (14), ლეო ლაიონსმა (13) და დანიუს სალენგამ (12) დაძლიეს.
 
27 გამარჯვებითა და 8 მარცხით „ბუდიველნიკი“ პირველ ადგილზე მყარად იმყოფება. მომდევნო ტურში, 17 მარტს, კიეველები სტუმრად „დნიპროს“ დაუპირისპირდებიან.