ბურჯანაძემ ბარსელონას 13 ქულა ჩაუგდო

საქართველოს ეროვნული ნაკრების ფორვარდმა, ბექა ბურჯანაძემ ესპანეთის ჩემპიონატში ევროპული გრანდის, ბარსელონას წინააღმდეგ შედეგიანად ითამაშა. ქართელი ფორვარდის “გრან კანარიამ” “ბარსელონას” უმასპინძლა და 65:81 დამარცხდა.

კანარელთაგან 10-ქულიანი ზღვარი მხოლოდ ორმა კალათბურთელმა გადალახა: ბურჯანაძემ 13 ქულა ჩააგდო, ხავიერ ბეირანმა – 11. ბექას სრული მონაგარი ასეთი იყო: 22 წუთი, 13 ქულა (3/დან 3 სამქულიანი, 2/1 ორქულიანი, 2/2 საჯარიმო), 2 მოხსნა, 1 პასი. მატჩის ბომბარდირი 16 ქულით ბარსელონელი კორი ჰიგინსი გახდა.

“გრან კანარიას” 19 ტურის შემდეგ 9 მოგება აქვს და მე-11 პოზიციაზეა.