19 წლის ქართველმა ფორვარდმა ევროთასზე კარიერის საუკეთესო მატჩი ჩაატარა. პლუს ამას, ბექა ბურჯანაძემ „კახასოლის“ ძირითად გუნდში პირადი რეკორდი დაამყარა. რაც სევილიური კლუბის ძირითად გუნდშია, ქართველ ფორვარდს 11 ქულა არ ჩაუგდია. ევროთასის გათამაშების მორიგ ტურში კახასოლელებმა პოლონურ „ზელიონა გორას“ უმასპინძლეს და დაძაბულ ბრძოლაში 81:85 დამარცხდნენ. სწორედ ამ მატჩში ჩააგდო ბურჯანაძემ 11 ქულა, რისთვისაც მას მხოლოდ 12 წუთი დასჭირდა.
ქართველმა ფორვარდმა მოედანზე 12,44 წუთი გაატარა, რის განმავლობაშიც 3-დან 3 სამქულიანი და 3-დან 1 ორიანი ჩააგდო. 11 ქულას ბურჯანაძემ 3 მოხსნაც მოაყოლა, თუმცა ეს საკმარისი არ აღმოჩნდა გასამარჯვებლად. სევილიელებმა ბოლო პერიოდი 20:27 დათმეს და მასთან ერთად მატჩის წააგეს.
5-დან ყველა წაგებით „კახასოლი“ K ჯგუფში ბოლო ადგილზეა. მეორე ჯგუფური ეტაპის ბოლო ტურში, 20 თებერვალს, სევილიური კლუბი სანკტ-პეტერბურგის „სპარტაკს“ უმასპინძლებს.
