ჩემპიონი ფინალშია. “ბათუმი” თუ “აკადემია”?

პირველი ფინალისტი გუშინ გამოვლინდა. მოქმედმა
ჩემპიონმა „ქუთაისმა“ ნახევარფინალური სერიის მეორე მატჩიც იოლად მოუგო „ვერეს“ და
ახლა „ბათუმ“–„აკადემიას“ შორის გამარჯვებულს ელოდება.

იმერლებმა ქუთაისში პირველი მატჩი 30 ქულით მოუგეს „ვერეს“ – 92:62.
თბილისშიც არანაკლებ მძლავრად ითამაშეს ქუთაისელებმა და 61:34 იმარჯვეს.
მოგებულთაგან ლიდერთა ტრიო გამოირჩა – ლევან გრძელიძე, თემურ ფხაკაძე და გიორგი
ცირეკიძე. პირველმა 21 ქულა მიითვალა, მეორემ 10 ქულა და 17 მოხსნა, ხოლო ცირეკიძემ
15 ქულა და 19 მოხსნა დააგროვა.

მეორე ნახევარფინალში „ბათუმი“ 1:0 უგებს „აკადემიას“ და დღეს საკუთარ
მოედანზე მეორედ ეთამაშება. თუკი აკადემიელები იმარჯვებენ, მესამე, გადამწყვეტი
შეხვედრა თბილისში გაიმართება.