რეგულარული ჩემპიონატის ბოლო ტური გაიმართა ესპანეთში, სადაც ფლეი ოფში ქართველი გულშემატკივარისთვის საინტერესო ერთადერთი კლუბი – “გრან კანარია” გავიდა. ლას პალმასურმა კლუბმა, რომლის ღირსებასაც საქართველოს ეროვნული ნაკრების ნატურალიზებული ამერიკელი კალათბურთელი ტორინ გრინი იცავს, ბოლო ტურში “გრანადა” სტუმრად 93:68 გაანადგურა და მე-5 ადგილიი შეინარჩუნა.
გრინი ტრავმირებულ ფეხს მკურნალობს და ისიც საკითხავია, დაეხმარება თუ არა იგი თავის გუნდს პლეი ოფში, სადაც, ლასპალმასელები მეოთხედდგილოსან ”კახა ლაბორალს” გაეჯიბრებიან.
ქუინტონ ჰოსლი
სეზონის ბოლო მატჩში 7 ქულასა და 3 მოხსნას დასჯერდა ქუინტონ ჰოსლი, რომლის ”ხუვენტუტიც” სტუმრად ”ფუენლაბრადასთან” 81:108 დამარცხდა. საქართველოს ნაკრების ნატურალიზებულმა ამერიკელმა კალათბურთელმა თამაშიდან რვაჯერ შეუტია და მხოლოდ 2 ტყორცნა გამოიყენა, 2 საჯარიმოდან კი არცერთი აუცილებია. ბადალონელებმა 14 მოგებით მე-13 პოზიცია დაიკავეს.
სეზონი მე-12 ადგილზე დაასრულა საქართველოს ნაკრებში ნათამაშები კიდევ ერთი ამერიკელი კალათბურთელის ტაირონ ელისის ”ესტუდიანტესმა”. 34-ე ტურში მადრიდელებმა ”ბისკაია ბილბაოსთან” 68:78 წააგეს, ელისმა კი მხოლოდ 4:35 წუთს ითამაშა და ორი სამქულიანი ააცილა.
”კახასოლის” განაცხადში ვერ მოხვდა ახალგაზრდა ქართველი კალათბურთელი ბექა ბურჯანაძე. სევილიელებმა ”ვალიადოლიდი” 98:75 დაამარცხეს და მე-11 ადგილს დასჯერდნენ.
