Jr. NBA-ის სამწვრთნელო ონლაინ სესია

Jr. NBA-ის სამწვრთნელო ონლაინ პროგრამა გრძელდება. Jr. NBA-ის გუნდი დაინტერესებულ პირებს 27 მაისს, თბილისის დროით 23:00 საათზე, სამწვრთნელო ონლაინ კლინიკის მომდევნო სესიაზე იწვევს. სესიას გაუძღვება “მემფის გრიზლის” და ” ნიუ იორკ ნიქსის” ყოფილი მთავარი მწვრთნელი – დევიდ ფიზდეილი, რომელმაც ბოლო 16 წელი NBA-ში გაატარა მწვრთნელად “გოლდენ სტეიტ უორიორსის”, “ატლანტა ჰოუკსის” და “მაიამი ჰიტის” შემადგენლობაში მწვრთნელის ასისტენტად და ამ ამპლუაში NBA-ის ორი ჩემპიონატიც მოიგო. 

ფიზდეილი პირველად შემოუერთდება Jr. NBA-ის სამწვრთნელო პროგრამას და სხვადასხვა მნიშვნელოვან საკითხებზე ისაუბრებს. აგრეთვე, დაცვისა და შეტევის ტაქტიკებთან დაკავშირებით, იგი მწვრთნელების შეკითხვებს უპასუხებს. 

შეგახსენებთ, Jr. NBA სამწვრთნელო – ონლაინ კლინიკა არის უფასო საერთაშორისო პროგრამა. სესიებზე მონაწილეობის მისაღებად მხოლოდ OWQLO აპლიკაციაზე დარეგისტრირებაა საჭირო. აღნიშნული აპლიკაცია ხელმისაწვდომია როგორც Apple-ის, ისე Android-ის მომხმარებლებისთვის.

რეგისტრაციის გასავლელად გადმოტვირთეთ აპლიკაცია OWQLO და მიჰყევით ინსტრუქციას: 

Apple – https://apps.apple.com/us/app/owqlo/id1441823663

Android – https://play.google.com/store/apps/details?id=com.owqlo.app&hl=en_GB