Junior NBA-GBF-ის “ბ” ლიგის ფინალისტები ცნობილნი არიან. დღეს, ოლიმპიურ სასახლეში გამართული ოთხთა ფინალის მატჩების გათვალისწინებით ჩემპიონობისთვის ერთმანეთს “ინდიანა პეისერსის” სახელით მოასპარეზე “აკადემია 2” და “დენვერ ნაგეტსი”, იგივე “ლეგიონი” შეხვდებიან.
ორივე გუნდმა უდაძაბულეს ბრძოლაში მოიპოვა ფინალის საგზური. ორივე ნახევარფინალური შეხვედრა 1 ქულის სხვაობით დასრულდა. “ლეგიონმა” 21:20 მოუგო ტურნირზე “ლეიკერსის” სახელით მოასპარეზე “ზაზა 4”-ს, ხოლო “აკადემია 2”-მა 30:29 სძლია “ბოსტონ სელტიქსს” (ბასტიონი 1).
შესაბამისად, ნახევარფინალში დამარცხებული “ბასტიონი 1” და “ზაზა 4” მესამე ადგილისთვის შეხვდებიან, ხოლო საჩემპიონო მატჩში, როგორც თავშივე აღვნიშნეთ, “ლეგიონი” და “აკადემია 2” დაუპირისპირდებიან. ფინალი ოლიმპიურ სასახლეში 30 ივნისს, 15:20 საათზე გაიმართება, მანამდე კი 14:00 საათზე მე-3 ადგილისთვის მატჩი შედგება. ფინალური მატჩის შემდეგ გაიმართება დაჯილდოვების ცერემონიალი.
