კალათბურთის ფედერაციამ “ა” ლიგის მატჩების ტრანსლირება დაიწყო

საქართველოს კალათბურთის ეროვნული ფედერაციისა და ტელეკომპანია “ჯორჯიან თაიმსის” თანამშრომლობით მიმდინარე სეზონიდან დაიწყო სუპერლიგის ყველა მატჩის პირდაპირი ტრანსლირება. სუპერლიგაში დღეს მეორე წრე დაიწყო და პირველ მატჩს, რომელიც ბათუმში ადგილობრივ გუნდსა და გურჯაანის დელტას შორის გაიმართება, ტრადიციულად პირდაპირ ეთერში იხილავთ.

სიახლე კი ის გახლავთ, რომ დღეიდან დაიწყო სუპერლიგის ერთი საფეხურით დაბლა მყოფი – “ა” ლიგის მატჩების ტრანსლირება, თუმცა არა ყველა თამაშის. პირველ ეტაპზე განხორციელდება ყოველი ტურის თითო მატჩის პირდაპირი ტრანსლაცია. დაგეგმილია, რომ სუპერლიგის მსგავსად, განხორციელდეს “ა” ლიგის ყველა მატჩის ტრანსლირებაც.

“ა” ლიგის პირველი მატჩი, რომელიც პირდაპირ ეთერში გადაიცემა, ვსა-ს და სოხუმი-საქართველოს დაპირისპირებაა