ლიტვის მთავრობამ ნაკრებს მოსამზადებლად 300 ათასი დოლარი გამოუყო

ლიტვის მთავრობა ქვეყნის ეროვნული ნაკრების მომზადებისთვის 300 ათას დოლარი გამოუყო. ეს ინფორმაცია ოფიციალურად გაავრცელა ლიტვის სპორტის სამინისტრომ.

ლიტველები, რომლებიც ევროპის ჩემპიონატის მასპინძლები არიან, ამ ტურნირისთვის მზადებას 18 ივლისს იწყებენ. აღსანიშნავია, რომ ლიტვის ნაკრები ძირითადად საკუთარ სამშობლოში გაივლის საწვრთნელ შეკრებებს. ლიტველები დრუსკინინკაეში, კაუნასში, ვილნიუსში და პანევეჟისში მოემზადებიან, ხოლო ერთი შეკრება მეზობელი ლატვიის კურორტ პალანგაში ექნებათ.
ლიტვის ნაკრები მთლიანობაში 9 სპარინგ-მატჩს გამართავს: სლოვენიას, რუსეთს და ესპანეთს ორ-ორჯერ გაეჯიბრება, ხოლო საქართველოს, ჩეხეთს და ლატვიას – თითოჯერ. საქართველო ევროჩემპიონტის მასპინძლებს კონტინენტის პირველობის დაწყებამდე 2 დღით ადრე – 29 აგვისტოს ლიტვაში გაეჯიბრება.