მამუკელაშვილის 17 ქულა და მორიგი გამარჯვება ამერიკის სტუდენტურ ლიგაში
GBF
2019-11-09
NCAA-ს მორიგ მატჩში სანდრო მამუკელაშვილის სეტონ ჰოლმა 74:57 დაამარაცხა სტონი ბრუკი. “უოლშ გიმნაზიუმში” საუკეთესო ქართველი ფორვარდი იყო, რომელმაც ყველაზე მეტი, 17 ქულა ჩააგდო.
სანდრომ თამაშიდან 11 სროლიდან მიზანს 6 უწია, აქედან 4-სამქულიანიდან 2 ჩააგდო. მან მოედანზე 34 წუთი გაატარა. მის ანგარიშზეა აგრეთვე 5 მოხსნა, 2 პასი და 1 დაფარება. გუნდის ლიდერმა პაუელმა ტრავმა მიიღო, ამიტომ ლიდერის ფუნქციები სანდრომ ითავა: “პაუელის გარეშე პირველად ვთამაშობდთ და მე უნდა მეჩვენებინა მტკიცე ხასიათი ახალბედებისთვის”, – განაცხადა მამუკელაშვილმა თამაშის შემდეგ.
სეტონჰოლელთა შემდეგი მეტოქე ძლიერი და სახელგანთქმული გუნდი – “მიჩიგან სტეიტია”, რომელსაც მამუკელაშვილის გუნდი 15 ნოემბერს უმასპინძლებს.
