მამუკელაშვილის ორმაგი დუბლი და დასანანი მარცხი ოვერტაიმში

სანდრო მამუკელაშვილმა ამერიკის სტუდენტური ლიგის კარიერაში მეორე ორმაგი დუბლი შეასრულა. სამწუხაროდ, მისი ქებული გარჯა დამარჯვებით ვერ დაგვირგვინდა. ქართველი ფორვარდის “სეტონ ჰოლმა” ორმაგ ოვერტაიმში – 71:77 წააგო “ჯორჯთტაუნთან”.

მამუკელაშვილი სასტარტო ხუთეულში იყო და მოედანზე 41 წუთი გაატარა, რაც მისი კარიერის რეკორდია. სანდრომ 14 ქულა, 11 მოხსნა (5 შეტევაში), 1 ჩაჭრა და 2 დაფარება მიითვალა. ქართველმა ფორვარდმა 8-დან 5 ორქულიანი და 6-დან 4 საჯარიმო გამოიყენა, 5 სამქულიანი ააცილა, ბურთი 2-ჯერ დაკარგა და 3 პერსონალური ფოლი მიიღო.

7 მოგებითა და 9 მარცხით “სეთონ ჰოლი” სატურნირო ცხრილში მე-6 ადგილზეა, მომდევნო მატჩს კი 7 მარტს, ლიდერ “მარკეტთან” ჩაატარებს.