მარკოიშვილის გაწვრთნილმა მონაკომ შენგელიას ბარსელონას სძლია და პლეი ოფში გავიდა

ევროლიგის პლეი ოფის ბოლო, მე-8 საგზურის მფლობელი გაირკვა. მისი მფლობელი გახდა მანუჩარ მარკოიშვილის გაწვრთნილი მონაკო, რომელმაც პლეი ინის გადამწყვეტ მატჩში თორნიკე შენგელიას ბარსელონა დაამარცხა და მეოთხედფინალურ სერიაში ბერძნულ გრანდს, პირეოსის ოლიმპიაკოსს შეუწყვულდა. 

მონაკომ ხელიდან არ გაუშვა მოედნის უპირატესობა, რაც იმის წყალობით მიიღო, რომ რეგულარული ჩემპიონატი ბარსაზე მაღლა დაასრულა. შეხვედრა საკმაოდ დაძაბული გამოდგა და მონაკოელთა გამარჯვებით – 79:70 დასრულდა.

შენგელიამ მოედანზე 29:04 წუთი გაატარა და 14 ქულა, 7 მოხსნა, 3 პასი და 2 ჩაჭრა მიითვალა. საქართველოს ნაკრების კაპიტანმა 8-დან 5 ორქულიანი, 4-დან 1 სამქულიანი და 2-დან 1 საჯარიმო ჩააგდო, ბურთი ერთხელ დაკარგა, 2 ჯარიმა მიიღო, მის წინააღმდეგ კი 3-ჯერ დაჯარიმდნენ.