მარკოიშვილმა “სიენას” ფინალში 9 ქულა ჩაუგდო, “კანტუ” კი ისევ დამარცხდა

მანუჩარ მარკოიშვილის „კანტუმ“ იტლიის ჩემპიონატის ფინალური სერიის მეორე მატჩიც წააგო „სიენასთან“ და საერთო ანგარიშით 0:2 აგებს. კანტუელებმა მრისხანე მეტოქეს მხოლოდ პირველ ტაიმში გაუწიეს წინააღმდეგობა, თუმცა შემდეგ მასპინძლებმა იძალეს და საბოლოოდ დამაჯერებელი სხვაობით – 81:69 იმარჯვეს.
 
ქართველი უკანახაზელი მჯერადაც სასტარტო ხუთეულში იყო და თავი არ შეურცხვენია. მარკოიშვილმა მოედანზე 23 წუთი გაატარა და 9 ქულასთან ერთად 3 პასი, 2 მოხსნა და 2 ჩაჭრა მოაგროვა. მანუჩარმა 2–დან 1 სამქულიანი და 7–დან 3 ორქულიანი ჩააგდო, 4 ჯარიმა მიიღო და მეტოქეებიც მასზე ოთხჯერ დაჯარიმდნენ.
 
სერიის მომდევნო მატჩი 15 ივნისს, „კანტუს“ მოედანზე გაიმართება. ჩემპიონობას ის გუნდი მოიპოვებს, რომელიც 4 გამარჯვებას მიაღწევს.