მეტრეველის 4 ქულა და 5 მოხსნა იტალიის ლეგადუეს მატჩში

იტალიის რანგით მეორე ლიგაში მოასპარეზე ნიკა მეტრეველმა მიმდინარე სეზონის პირველი მატჩი ჩაატარა. ქართველი ფორვარდის „ნაპოლიმ““ფორლის“ უმასპინძლა და ძალიან იოლად – 88:59 სძლია.
მეტრეველი სათადარიგო იყო და მოედანზე მხოლოდ 9 წუთით გამოჩნდა, რაც მისი ნაადრევი ჯარიმების ბრალი გახლდათ. ქართველმა ფორვარდ-ცენტრმა 4 პერსონალური მყისვე დაიმსახურა და მოედანზე ხანგრძლივად ვეღარ დარჩა.
მეტრეველმა 9 წუთში 3 ორქულიანიდან 2 ჩააგდო და შეხვედრა 4 ქულით დაასრულა. ამასთან ერთად ნიკას 5 მოხსნა და 1 დაფარება ჰქონდა. მის გუნდში 17-17 ქულა სამმა კალათბურთელმა – დერმონ ბრუკსმა, გაბრიელე ჯანელომ და ვალერიო სპინელიმ დააგროვეს.
1 მოგებითა და ამდენივე წაგებით „ნაპოლი“ 16-გუნდიან ლიგაში მე-7 ადგილზეა. მორიგი მატჩი ნაპოლელებს 19 ოქტომბერს, ისევ შინ, „ვეროლისთან“ ელის.