ერთმატჩიანი დასვენების შემდეგ ზაზა ფაჩულიამ დღეს გამთენიისას ვაშინგტონში ითამაშა. ატლანტელებმა დაძაბულ ბრძოლაში, 95:92 მოუგეს მასპინძლებს. ბოლო მეოთხედის წინ ჯორჯიული გუნდი 10 ქულით ჩამორჩებოდა, თუმცა გადამწყვეტი მეოთხედი სტუმრებმა უკეთესად ჩაატარეს და საბოლოოდ 3 ქულის სხვაობით იმარჯვეს.
ფაჩულიამ წინა შეხვედრა იმ მიზეზით გამოტოვა, რომ აქილევსის მყესი აწუხებდა. ვაშინგტონში გამართულ შეხვედრაში ქართველი ცენტრი სასტარტო ხუთეულში იყო და მოედანზე 24:31 წუთი გაატარა. ფაჩულიამ შესანიშნავი სიზუსტით ისროლა თამაშიდან: მისი 6 ოქრულიანიდან 5-მა მიაღწია მიზანს, ხოლო საჯარიმოს ხაზიდან 6-დან 3 სროლა ჩააგდო. ზაზას მთლიანობაში 13 ქულა, 4 მოხსნა და თითო პას-დაფარება დაუგროვდა.
29 მოგებითა და 20 წაგებით „ატლანტა“ აღმოსავლეთ კონფერენციაში „ინდიანასთან“ ერთად კვლავ V ადგილს იყოფს. მომდევნო მატჩი ფაჩულიას გუნდს ჩვენი დროით ხვალ, გამთენიისას, „იუტას“ წინააღმდეგ აქვს.
