ფაჩულიამ რეგულარული ჩემპიონატი ხუთეულით და 10 მოხსნით დახურა

ნაციონალური საკალათბურთო ასოციაციის რეგულარული სეზონი დასრულდა. ზაზა ფაჩულიას “ატლანტამ” ბოლო მატჩი “შარლოტში” გამართა და 85:96 დამარცხდა.
ქართველმა კალათბურთელმა თამაში სასტარტო ხუთეულში დაიწყო და მოედანზე  25:19 წუთი გაატარა. ფაჩულიამ 3-დან 1 ორქულიანი ჩააგდო და შეხვედრა 2 ქულით დაასრულა. სამაგიეროდ, ზაზა ფარქვეშ საკმაოდ აქტიური იყო და შეხვედრა 10 მოხსნით დაასრულა. ამის გარდა მას 2 პასიც ჰქონდა.
მაშ ასე, “ატლანტას” საბოლოო მონაგარი 44 მოგება და 38 წაგებაა. “ქორებმა” აღმოსავლეთ დივიზიონში მე-5 ადგილი დაიკავეს და პლეი ოფში მე-4-ზე მყოფ “ორლანდოს” შეხვდებიან. პლეი ოფში გამარჯვება 4 მოგებამდეა და მოედნის უპირატესობა “ორლანდოს” აქვს.