Tbilisi Open 2013-ის პირველი დღე მეტად დატვირთული, თუმც ძალიან საინტერესო და თვალსასეირო გამოდგა. ორგანიზატორებმა მოთამაშეთათვის საკუთარი შესაძლებლობების გამოსავლენად საჭირო და კომფორტული პირობები დილიდანვე მოამზადეს, გაიმართა მოთამაშეთა რეგისტრაცია, მოეწყო ფოტო-სესია და გაეკრა ტურნირის შედეგთა დაფა, სადაც გასამართი ყველა მატჩი ეწერა, დამთავრებულ შეხვედრებს კი ტურნირის მთავარი მსაჯ-მდივანი შედეგებს უწერდა.
სანამ მზე გადავიდოდა, მონაწილეებს სიცხეში მოუწიათ თამაშმა, თუმცა რომ მოსაღამოვდა, Tbilisi Open 2013-ს ხიბლი მაშინ განსაკუთრებულად შეემატა. პროჟექტორებით განათებული მოედანი, სპორტის სასახლის ფარი, ფიბა-ს არბიტრი და … ლამაზი სანახაობისთვის მეტი რა იყო საჭირო – ქართველ სტრიტბოლისტებს ბრძოლის ჟინი, კლასი და შემართება არ აკლიათ. თუმცა უნდა აღინიშნოს, რომ ეს არ გახლდათ კლასიკური სტრიტბოლი. 3X3-ზე კალათბურთი ფიბა-მ თავის ოფიციალურ კალენდარში შეიყვანა, დიდ ყურადღებას აქცევს და ნელ-ნელა სპორტის ეს სახეობა ოლიმპიურ ფერხულშიც ებმება. 3X3-ზე კალათბურთი უკვე შეიყვანეს ახალგაზრდულ ოლიმპიურ თამაშებზე – იმართება მსოფლიოს, ევროპის და სხვადასხვა საკონტინენტო ტურნირები როგორც მამაკაცებში, ასევე ქალებში და ასაკობრივ კატეგორიებში. ამას გარდა, თვეში რამდენიმე ფიბა-ს ტური მსოფლიოს სხვადასხვა ქვეყანაში ტარდება.
სწორედ ასეთი ერთ-ერთი ტურია Tbilisi Open 2013, რომელიც ფიბა-ს ოფიციალურ კალენდარშია შეყვანილი და მასში რეგისტრაციაც ამ ორგანიზაციის საიტზე მოხდა. თბილისური ტურნირი, ცხადია, საერთაშორისოა, რომელშიც აზერბაიჯანული გუნდი მონაწილეობს. Hangover – ბაქოს გუნდმა ტურნირის პირველი მატჩი დამატებით დროში Brotherhood-თან წააგო და ჯგუფიდან გასვლის იმედი თითქმის გადაიწურა.
6 ივნისს 41 მატჩი გაიმართა, რამდენიმე შეხვედრაში კი მეტოქის გამოუცხადებლობის გამო ტექნიკური შედეგი გაფორმდა. B, C და D ჯგუფებში თამაშები დასრულდა და მერვედფინალისტებიც გამოვლინდნენ – Cactus, კუკურა, ქარიშხალა, ქუთაისი, რუსთავი და Dream Team. თავიანთ ჯგუფებში თამაშები არ დასრულებულა, მაგრამ პლეი ოფის საგზური გაინაღდეს CCCP-მა და Shooting Stars-მა. ანუ ცნობილია 8 მერვედფინალისტი, რომელსაც 7 ივლისს, შუადღემდე ერთი ამდენი დაემატება და შემდეგ ჯერი პლეი ოფზე მიდგება.
ტურნირის მსვლელობისას გაიმართება პრეს-კონფერენციები, ხოლო დასრულებისთანავე – დაჯილდოვების საზეიმო ცერემონიალი. გამარჯვებულისთვის მთავარი პრიზია 4-კაციანი საგზური სლოვენიაში, ევროპის ჩემპიონატზე.
7 ივლისს სპორტის სასახლესთან თამაშები 12 საათიდან დაიწყება.
A ჯგუფი
And1 – Brotherhood 14:10, And1 – CCCP 7:12, Hangover – Brotherhood 6:8, Brotherhood – CCCP 5:7, Hangover – CCCP 2:9
CCCP 3 3 0 28:14 6
Brotherhood 3 1 2 23:27 4
And1 2 1 1 21:22 3
Hangover 2 0 2 8:17 2
B ჯგუფი
Cactus – ბურთის ღორები 12:10, Cactus – Old Street 20:0 (ტექ), Cactus – კუკურა 7:4, ბურთის ღორები – Old Street 10:8, ბურთის ღორები – კუკურა 9:11, Old Street – კუკურა 3:7
Cactus 3 3 0 39:14 6
კუკურა 3 2 1 22:19 5
ბურთის ღორები 3 1 2 29:31 4
Old Street 3 0 3 11:37 2
C ჯგუფი
ქარიშხალა – ოქროს უბანი 9:4, ქარიშხალა – ქუთაისი 14:7, ქარიშხალა – ფინიქსი 9:4, ოქროს უბანი – ქუთაისი 5:8, ოქროს უბანი – ფინიქსი 20:0(ტექ), ქუთაისი – ფინიქსი 9:5
ქარიშხალა 3 3 0 32:15 6
ქუთაისი 3 2 1 24:24 5
ოქროს უბანი 3 1 2 29:17 4
ფინიქსი 3 0 3 9:38 2
D ჯგუფი
Dream Team – Freestyle 8:1, Dream Team – რუსთავი 8:6, Dream Team – Samba 20:0 (ტექ), Freestyle – რუსთავი 2:14, Freestyle – Samba 20:0 (ტექ), რუსთავი – Samba 20:0 (ტექ)
Dream Team 3 3 0 36:6 6
რუსთავი 3 2 1 40:10 5
Freestyle 3 1 2 23:22 4
Samba 3 0 3 0:60 0
E ჯგუფი
Zio – დოლიძე 11:5, Zio – კალა 11:5, დოლიძე – ბალოტელი 8:10, დოლიძე – კალა 0:20 (ტექ), ბალოტელი – კალა 8:6
Zio 2 2 0 22:10 4
კალა 3 1 2 31:19 4
ბალოტელი 2 1 1 18:14 3
დოლიძე 3 0 3 13:41 2
F ჯგუფი
Shooting Stars – TNT 12:5, Shooting Stars – Olimpic 20:0 (ტექ), Shooting Stars – Snowkids 12:8, TNT – Olimpic 10:5, Olimpic – Snowkids 9:11
Shooting Stars 3 3 0 44:13 6
Snowkids 2 1 1 19:21 3
TNT 2 1 1 15:17 3
Olimpic 3 0 3 14:41 2
G ჯგუფი
Pantera – ტირანოზავრები 10:12, Pantera – Grapefruits 11:2, tiranozavrebi – Hyundai 11:18, Hyundai – Grapefruits 21:7
Hyundai 2 2 0 39:18 4
Pantera 2 1 1 21:14 3
ტირანოზავრები 2 1 1 23:28 3
Grapefruits 2 0 2 9:32 2
H ჯგუფი
Mix – გიენები 20:8, Mix – ილო 12:7, გიენები – Young Money 3:9, Young Money – ილო 12:14
Mix 2 2 0 32:15 4
ილო 2 1 1 21:24 3
Young Money 2 1 1 21:17 3
გიენები 2 0 2 11:29 2
