პულენმა იტალიაში პირადი რეკორდი დაამყარა: 34 ქულა!

ჯეიკობ პულენმა სერია „ა“-ში კარიერის საუკეთესო მატჩი ჩაატარა. ქართული პასპორტის მქონე ამერიკელი უკანახაზელი იტალიაში წინა სეზონშიც თამაშობდა, თუმცა ის 34 ქულა, რაც მან გასულ ტურში მიითვალა, მისი მწვერვალია.
 
პულენის „ოკნოპლასტი“ სტუმრად ერთ-ერთ საუკეთესო იტალიურ გუნდ „სკავოლინის“ შეხვდა და 91:101 წააგო. პულენმა 35 წუთი ითამაშა და 11-დან 6 ორქულიანი, 8-დან 5 სამიანი და 10-დან 7 საჯარიმო ჩააგდო, რამაც ჯამში 34 ქულა შეადგინა. იგი მატჩის ბომბარდირი გახდა, მატჩის მონაწილე ვერცერთი სხვა კალათბურთელი 20 ქულამდეც ვერ ავიდა.
 
9 მოგებითა და 16 მარცხით ბოლონიის „ოკნოპლასტი“ 16-გუნდიან სერია „ა“-ში მე-14 ადგილზეა. 7 აპრილს პულენის გუნდი „ვენეციას“ უმასპინძლებს.