ქართველი მსაჯები და კომისარი ფინეთიდან გიბრალტარამდე

ევროპის ახალგაზრდული ჩემპიონატები ქართველი არბიტრის თანამონაწილეობით დაიწყო. 25-30 ივნისს კოსოვოს დედაქალაქმა პრიშტინამ ევროპის ქალთა ჩემპიონატის C დივიზიონს უმასპინძლა, რომლის მომსახურე არბიტრებს შორის ერთი ქართველი – მარინა შალამბერიძე გახლდათ. ეს იყო ზაფხული პირველი ტურნირი ქართველი არბიტრისთვის, რომლებიც კომისართან ერთად მთლიანობაში 10 კონტინენტურ ჩემპიონატს მოემსახურებიან.

შალამბერიძეს კიდევ ორი C დივიზიონი ელის: 16 და 18 წლამდე გოგონათა შორის. რაც შეეხებათ საქართველოს წარმომადგენელ ფიბა-ს მამაკაც მსაჯებს, კირილე თვაური და მიხეილ ვართანოვიც ევროპის ასაკობრივი ჩემპიონატების 3-3 ტურნირს მოემსახურებიან. თვაურს 16 და 18 წლამდელთა A დივიზიონები, ასევე 20-წლამდელთა B დივიზიონი ელის, ხოლო მიხეილ ვართანოვი 16 და 18 წლამდელთა B დივიზიონებს, ასევე 16-წლამდელთა C დივიზიონს მოემსახურება.

ფიბა-ს ერთადერთი ქართველი კომისარი, მერაბ რატიშვილი ერთ ტურნირს მოემსახურება, რომელზეც ზედიზედ მესამე წელი მთავარ კომისრად იმუშავებს. ლაპარაკია 16-წლამდელთა ევროპის ჩემპიონატის B დივიზიონზე, რომელიც 8-17 აგვისტოს ჩრდილოეთ მაკედონიის დედაქალაქი სკოპიე უმასპინძლებს.