შაბათს ესპანეთის ჩემპიონატის 30–ე ტური ორი მატჩით დაიწყო, საიდანაც ერთში საქართველოს ეროვნული ნაკრების ნატურალიზებულმა ამერიკელმა წევრმა მიიღო მონაწილეობა. ქუინთონ ჰოსლის „ხუვენტუდი“ სტუმრად „გრანადას“ შეხვდა და 65:94 განადგურდა.
ჰოსლი ხუთეულში არ ყოფილა, თუმცა მოედანზე მაინც საკმაო დროით – 26 წუთს იმყოფებოდა და საკუთარ გუნდში ერთ–ერთი საუკეთესო იყო. იგი საერთო სარგებლიანობის კოეფიციენტით თავისიანთაგან მხოლოდ 2 მოთამაშეს – ვილი მაკდონალდს და რასელ რობინსონს ჩამორჩა. ქუინტონმა 4–დან 3 ორქულიანი და 2–დან 2 საჯარიმო ჩააგდო, 4 სამქულიანი კი ააცილა. ჰოსლიმ 8 ქულასთან ერთად 6 მოხსნა, 1 პასი და 1 ჩაჭრა მიითვალა.
„ხუვენტუდს“ 30 მატჩიდან 14 მოგება აქვს და ცხრილში მე–12 ადგილზე იმყოფება. პლეი ოფში მოსახვედრად კი რეგულარული ჩემპიონატში მინიმუმ მე–8 ადგილზე მართებს გასვლა, რომლის დასრულებამდეც 4 ტურია დარჩენილი.
