რუსთავმა ბათუმთან წააგო და სუპელრიგაში დასარჩენად კასპის გრიფინს შეხვდება

საქართველოს საკალათბურთო სუპერლიგაში დასრულდა მე-18 ტურის გამოტოვებული მატჩები. შეგახსენებთ, რომ აღნიშნული ტური თავდაპირველად მარტის შუა რიცხვებში უნდა გამართულიყო, თუმცა საქართველოს კათოლიკოს-პატრიარქის გარდაცვალების გამო ქვეყანაში გამოცხადებული გლოვის გამო გადაიდო. გადადებულმა ტურმა საბოლოო პასუხი გასცა კითხვებს ცხრილის ქვედა ნაწილში.

რუსთავის ხელიდან გაშვებული შანსი

ტურის ცენტრალური და ერთ-ერთი ყველაზე დრამატული შეხვედრა რუსთავში გაიმართა, სადაც ადგილობრივმა გუნდმა „ბათუმს“ უმასპინძლა. მატჩს რუსთაველებისთვის გადამწყვეტი მნიშვნელობა ჰქონდა — გამარჯვების შემთხვევაში, გუნდს ეძლეოდა რეალური შანსი, ბოლო, ტურში მე-9 ადგილზე გადასულიყო და თავიდან აეცილებინა გადათამაშება.

შეხვედრა ძალიან დაძაბული გამოდგა. მესამე პერიოდში ბათუმელებმა მოახერხეს უპირატესობის მოპოვება და 10 ქულითაც დაწინაურდნენ, თუმცა რუსთაველებმა ხასიათი გამოავლინეს. ვახტანგ გაფრინდაშვილისა და მონტეს მატისის ზუსტი სროლების წყალობით, მასპინძლებმა სხვაობა მინიმუმამდე შეამცირეს და გადამწყვეტი ბრძოლა ბოლო პერიოდში გადაიტანეს.

მატჩის კულმინაცია ბოლო წუთზე დადგა. რუსთავს წინ გასვლისა და მოგების რამდენი მეხელსაყრელი შანსი ჰქონდა. მიუხედავად იმისა, რომ დრო საკმარისად იყო უფრო გარანტირებული, ორქულიანი შეტევებისთვის, მასპინძლებმა აქცენტი პერიმეტრზე გააკეთეს. მონტეს მატისმა, რომელიც გუნდის ლიდერი იყო (23 ქულა), ბოლო წამებზე სამქულიანი ააცილა. რამდენიმე წარუმატებელმა შორმა სროლამ რუსთავს გამარჯვება დააკარგვინა — 75:77.

ამით რუსთავმა დაკარგა ივერიონის გადასწრების შანსი და ბოლო ტურში, ბათუმთან შეხვედრაში რომც გაიმარჯვოს, სუპერლიგის რეგულარულ ჩემპიონატს ბოლოსწინა, მე-10 ადგილზე დაასრულებს.

„დელტამ“ სეზონი დაასრულა, „რუსთავს“ გადათამაშება ელის

ამ მარცხით გაირკვა, რომ „რუსთავი“ რეგულარულ ჩემპიონატს მე-10 ადგილზე დაასრულებს. ეს ნიშნავს, რომ გუნდს სუპერლიგაში ადგილის შესანარჩუნებლად საკვალიფიკაციო რაუნდი ელის, სადაც ა ლიგის ფინალისტს, „გრიფინ კასპს“ დაუპირისპირდება. სერია სამ მოგებამდე გაგრძელდება.

რაც შეეხება გურჯაანის „დელტას“, მათთვის სეზონი ოფიციალურად დასრულდა. ქუთაისში განცდილი მარცხის შემდეგ (82:114), გუნდმა 20-ვე მატჩი ამოწურა და ბოლო ადგილზე დარჩა, რაც ავტომატურად ნიშნავს სუპერლიგის დატოვებას.

პლეი-ოფის მოლოდინში: ბრძოლა ბოლო საგზურებისთვის

რეგულარული ჩემპიონატის დასრულებამდე მხოლოდ ერთი, 22-ე ტური რჩება, რომელიც მომავალ შაბათ-კვირას გაიმართება. როგორც ცნობილია, ჩემპიონობისთვის ბრძოლას 8 გუნდი გააგრძელებს, თუმცა პლეი-ოფის წყვილები და მე-9 ადგილის (გუნდი, რომელიც სეზონს ასრულებს, მაგრამ ლიგაში რჩება) მფლობელი სწორედ ბოლო ტურში გაირკვევა.

განსაკუთრებულ ინტერესს იწვევს მე-6, მე-7 და მე-8 ადგილების განაწილება, სადაც გუნდებს შორის ქულათა მინიმალური სხვაობაა.

რეგულარული ჩემპიონატის დასკვნითი ტური 18 და 19 აპრილს, თბილისში, გორში, ზესტაფონსა და რუსთავში გაიმართება.